كى توفى حكايتنا ...
كيما يوفى عام قراية ، كيما يوفى الشتاء ، كيما يوفى الصيّف .. و يبقى السوفونير .. ، تبقى تصاور وكتيبة قديمى ، كى نتفكرو حجات تضحّك تولّى تبكّى ، حجات تبكّى تولّى تضحّك .. و نضحكو حتّى على رواحنا كيفاش كنّا .. قال شنيّ توّه كبرنا ، فمّا طرف منّا مات .. و عارفين إلّى مهوش باش يرجع خاطر إلّى مشى عمرو ما يرجع .. ، آنـــا واحد مالنّاس إلّى متحبّش تصدّق .. عارف ، أما منحبّش نفهم كلمت " كل واحد على روحو" .. تعرف علاش ؟؟
خاطر طمّاع ، خاطر نحبّك ملكى و متاعى و ليّا آنــا وحدى ، خاطر مشحاح ، ما نحب نعطى كان لك إنتى وحدك ممعاك حد و منحب نقسم وقتى معى حد بخلافك و ما نحب نحكى كان ليك إنتى وحدك ، خاطر خوّاف ، نخاف عليك من كل شيئ و منّجمش ما نتفجعش عليك و كى نتخيّل حاجة بعدتنى عليك ، خاطر خنقة ، كى نسمع أتفه حكاياتك و نسئلك على كل شيئ و كل حاجة حرف حرف باش نزيد نغرق فيك أكثر و أكثر ، خاطر بخلى ، تتفكّر كى نقعدو كل مرّة فى قهوة العادة تقول علينا الدّيكور و حتّى كان حبّينا نبدلوها ندورو شويّة و نرجعولها ، خاطر تاعب ، ما نّجمش نعاود ملوّل نحكى حكاياتى لعبد ما نعرفوش باش يحاول يفهم شني آنــا ، خاطر معقّد ، مانحملش العرية لا شتاء لا صيف و كان نلقى نخبّيك فى صندوق بلّار نعبدك و نتفرّج فيك ، خاطر تافه ، كى نطيّش كل شيئ و نبعث العالم بما فيه باش نقابلك إنتى و كى نتلقاو نبقاو ساكتين نتفرجو فى يدين بعضنا و ما نلقاو ما نحكيو ، خاطر فرخ ، كى تقوم عليّا الهبلة باش نرى آكة الضّحكة و ننسى العباد و تقتلك الحشمة ، خاطر جاهل ، كى تقول إي و إنتى تقصد لا و إلّا تخطرلك تتفكّر حكاية قديمة قديمة و تقلب عركة وسط ضحكة ، خاطر بلابيك نضيع ، خاطر ماعندى كان إنتى ، خاطر كل لحضة معاك حتّى كي تعاركنى نفرح خاطرك بجنبى ، خاطر عمرك ما سيّبتنى و اليوم ما نّجمش نصدّق إلّى " كل واحد على روحو" ، خاطر ما نحب مالدنيا كان إنتى ، خاطر عارف ، أما مزّلت نستنّى تفهمش إنتــى .
# شــم .. شم الياسميـــن يا روح روحى .. و تذكر ' تنساني'
كيما يوفى عام قراية ، كيما يوفى الشتاء ، كيما يوفى الصيّف .. و يبقى السوفونير .. ، تبقى تصاور وكتيبة قديمى ، كى نتفكرو حجات تضحّك تولّى تبكّى ، حجات تبكّى تولّى تضحّك .. و نضحكو حتّى على رواحنا كيفاش كنّا .. قال شنيّ توّه كبرنا ، فمّا طرف منّا مات .. و عارفين إلّى مهوش باش يرجع خاطر إلّى مشى عمرو ما يرجع .. ، آنـــا واحد مالنّاس إلّى متحبّش تصدّق .. عارف ، أما منحبّش نفهم كلمت " كل واحد على روحو" .. تعرف علاش ؟؟
خاطر طمّاع ، خاطر نحبّك ملكى و متاعى و ليّا آنــا وحدى ، خاطر مشحاح ، ما نحب نعطى كان لك إنتى وحدك ممعاك حد و منحب نقسم وقتى معى حد بخلافك و ما نحب نحكى كان ليك إنتى وحدك ، خاطر خوّاف ، نخاف عليك من كل شيئ و منّجمش ما نتفجعش عليك و كى نتخيّل حاجة بعدتنى عليك ، خاطر خنقة ، كى نسمع أتفه حكاياتك و نسئلك على كل شيئ و كل حاجة حرف حرف باش نزيد نغرق فيك أكثر و أكثر ، خاطر بخلى ، تتفكّر كى نقعدو كل مرّة فى قهوة العادة تقول علينا الدّيكور و حتّى كان حبّينا نبدلوها ندورو شويّة و نرجعولها ، خاطر تاعب ، ما نّجمش نعاود ملوّل نحكى حكاياتى لعبد ما نعرفوش باش يحاول يفهم شني آنــا ، خاطر معقّد ، مانحملش العرية لا شتاء لا صيف و كان نلقى نخبّيك فى صندوق بلّار نعبدك و نتفرّج فيك ، خاطر تافه ، كى نطيّش كل شيئ و نبعث العالم بما فيه باش نقابلك إنتى و كى نتلقاو نبقاو ساكتين نتفرجو فى يدين بعضنا و ما نلقاو ما نحكيو ، خاطر فرخ ، كى تقوم عليّا الهبلة باش نرى آكة الضّحكة و ننسى العباد و تقتلك الحشمة ، خاطر جاهل ، كى تقول إي و إنتى تقصد لا و إلّا تخطرلك تتفكّر حكاية قديمة قديمة و تقلب عركة وسط ضحكة ، خاطر بلابيك نضيع ، خاطر ماعندى كان إنتى ، خاطر كل لحضة معاك حتّى كي تعاركنى نفرح خاطرك بجنبى ، خاطر عمرك ما سيّبتنى و اليوم ما نّجمش نصدّق إلّى " كل واحد على روحو" ، خاطر ما نحب مالدنيا كان إنتى ، خاطر عارف ، أما مزّلت نستنّى تفهمش إنتــى .
# شــم .. شم الياسميـــن يا روح روحى .. و تذكر ' تنساني'
 |
Aucun commentaire:
Enregistrer un commentaire