يمــكن كان مــوش أكيــد حكيــت بــرشـة علـّى نكرهـو .. والمحبّــة حكيــت عليــها "هــيّ" .. وكـيف حكــايتنــا وفـات وتسكّــر إخّــر باب .. إخّــر قهــوة لمّتــنا وإخّــر كلمــة كى قلـت "هنّيــنــى عليـــك"، عطيــت بالضهــر وهــانـى نقــدّم بالشــويّـة بالشــويّـة فلّــى مــزّال فى هالعمــر، نصنــع فالفــرحـة ونخلــق فالضحكــة .. معــاد نستنّــى فى حــد يرجــع وفهمــت إلّى حــد ماهــو باش يجـى ويكــونلـك الفــرحـة لى تتمنـّاها سنيـن .. حــد ماهـو باش يجــى وياقـف معـاك لوجـه الله قال شنيـة يحبــك .. حــد ماهـو باش يجــى يعطيــك أمـل فى غـدوة حــد ماهـو باش يجــى يكــون ليــك وحــدك وعلـى خاطـرك حــد ماهـو باش يجــى يشــاركك حــروبك وأخيـب لحضـات الوحــدة حــد ماهـو باش يجــى ويسأل علـى حكـايتــك خاطر قلبــو عليــك حــد ماهـو باش يجــى ويجيــب معــاه الفــرحة من غيــر مايهزهـا معاه بعـد العشــرة وأوّل ما تأمـن بروحــك يخلّيــك ڨـــزاز مكسّـــر .. يبعدو عليــه المتعــدين فى الثنيّـة المــرمـى فيهـا .. المتروك المنســى فيهـا تبقــى أكـاكة .. ڨــزاز مرايــة يلمــع من بعيــد يجبـد العنيــن وحتـّى إلّـى يقـرب تجــرحــو من غيــر ماتشعــر .. خاطرك ڨــزاز .. وخاطــر فاقــد الشيــئ لا يعطيــه ، كيفــاش تحـب إنســان إنهــار وتحطــم بيــن ماضـى عايشــو حاضــر وواقــع ماينجمّــش يقبلــو و روتيــن .. قتــل كل ذرّة روح بقــات فيــه .. تحبّــو بعـد إلّى سمّيتــو الكــل يكــونلك منــارة ترجعــك لطــريقـك وقـت هوّ ما لقــى حــد؟ تحــبو يصدّق كلمـة نحبــّك بعــد ما تقــالتلــو آلــف مــرّة .. ومابقــى فى لخّــر حــد .. كيـفاش تحكــى وتقــول إلّــى إنتــى فهمــت وجاعتــو .. وقـت إلّـى حكــى جــرد كلمتيـــن بمــرّار القهــرة نطقهــم وبضحكــة علــى ســم الواقــع حكـاهــم وبذكريات عبثيّــة تافهـة جمّلــهم .. زعمــة زعمــة فهمــت آش يحكــى ..؟ ومـن وجاعتــو ريـت الــوجــه المخبــّى ؟ لا مـا نتصــوّرش .. خاطــر حــد ماينجــم يورّى نفســو كاملــة ولا حــد ينجــم يكشــف حقيقتــو الكـل ... لذى كلمــة نحبـك لى تتقــال كـ "مــواسات" ما تنفعــش .. خــاطر حتـّى إذا حبيــت بالحــق إنســان ماتحبــش شيرة وحــدة منّــو .. وقبــل ما نفهـم إلـّى حــد ماهـو باش يجــى تمنّيــت شكــون تحــبنـى .. تحبنــى عالخــايب لى فيّــا مـوش عالبــاهـى ! البـاهـى ينجــم يجــى نهــار والخايــب يغطّيــه .. وهكــاكة مايبقــالك حــد ،
من منطلــق هالفكــرة فـى كل فرصــة تعــارف يطــرحها الــواقـع نورّى أخيـب ماينجــم يكــون فى طبيعتــى أو شكلــى .. ولذّة الإنتصــار المزيّـف بطعــم خيبــت الأمــل .. عنــدما يرحلــو .. وقـت يأكــدو إلـّى يــدور فى بالــى .. إلـّى حــد ماهـو باش يجــى.. .
الهــوس أنـّى نلقــى شكــون والإنســانة إلّـى تعــوّضنــى علـى كل شيــئ ، خــلّاتنــى ندمــن البحــث والإنتضــار بأمــل زائــف ... تلهيــت فلّــى نكــرهو وغــزرت كان لشطــر الكــاس ونسيــت لى نحبّــو .. وإلّــى نحبّــو برشــة ورغــم تفـاهتــو عنـد بــرشــة إلّا أنّــو يكــون دافــع للحيـاة بنسبــة ليّـا .. كأنّــى الــروح المدفــونة فى ضـلام تعــب العمــر حيــاة .. حجـات بسيطــة كيمـة موزيكــة جــديدة وصــوت الشتــاء وريحتــها .. تبحيــرة مع الفجـر..وإلّا المغرب ونسمــة صيــف باردة .. كى نســوق حافــى وإلّا نـدخـل نفـق .. كـى يتفكــرونـى ناس نعزهــم.. كى نلقـى ميسـاجات قـديمــة نسيـت ما فسّختهـاش وإلّا تصـاور لأيمــات نسيتهــا .. كتيبـة مطيشـة إخـر قجـر متروك .. الشمـع والقهـوة والدخــان كى يتلاقاو مع بعضهـم زيدهم كتيبـة تستحق تقـراها وتعاود تقـراها وبالأخـص .. إذا ما يعــرفهـا حـد .. نعشـق اللّحضــة إلّى تجـى فيهـا الماكلــة بنينــة بعـد وقفـت وتعـب الكــوجينـة .. كى نبـدل حجـات ويفيقــو إلّى دايريــن بيّـا بالحجــات المتبدلــة .. كى يفقدونـى .. وكلمـة "تــوحّشتــك"..
وأهــم حاجــة .. نحــب الثــبات ، مــوش نقــصد ديــن وإلّا عبــادة وصلاة هذيكــة حريّــة شخصيّــة ، نقصــد حجــرة المــرسـى .. ويــن تتربط الفلــوكة وقـت أقــوى ريـح وأعلـى مــوج مايحــرك فيهـا شــيئ ، كيـف ساس دار البــاي القــديمـة مزّال قـايـم قـدّام البحـر وكبـرو بقـوتو والسـاس رغـم السنيــن صحيــح .. وغادى يحلـى السيڨـارو فى هاكــة الفــرجة البنينـة .. بلغــة مبسطـة نحـب الحجـات إلـّى تقعــد هيّـا هيّــا والأخـص النّـاس إلّـى فى حيــاتى.. النّـاس إلّـى عمــرها ما تتبــدّل وحتـّى تبعّــدهم ريــح اليــوم بمشـاغل الدنـيا .. تجيبهــم نسمــة غــدوة .. هكـة معاهـم عمـرى لا نحـس روحـى لا متــروك لا منســى .. نحـس بلاصتــى جنبهــم ديمــة دافيــة ،
خاطـر لحقيقـة زادة .. كل مانتخنـق نبعـد .. موش نهــرب أما نبعــد ، ناخـو لحضـة لروحـى .. تنجـم تــوفى بأشهـرة .. وهكّـة .. نلقـى راحتى ، كى نبعـد عالجوجمـة والخيـوط المشربكـة ، حـس النـاس مشاكلهـم ومشاعلهـم ومرجهـم .. الفـرق أنـّى عمـرى ماكنـت وحـدى كى نبعـد .. أما كى وحـدى تـوّه لزّتنـى الضـروف أنّـى نهـرب لروحـى .. كى ما عنـدى حــد نهـرب ليـه .. ولا معــاه .
بـاهـى .. أحكيلــى علــى ليـلــى .. .
من بــرشـة صحــاب عشــرة ليلــى بقــات حكــاية مخبيــة.. كى وشـام قــديم فى كتــف إمــام ، كـى ذكــرى وردة مخبيــة وسـط كتــاب وراقــو صفـارت .. كـى ضحكـة قـديمــة تتذكّــرها تتبـسـم كى أيـّام حلــوة تعـدّاو بزربـة كى خيــالات الصغـر .. كى ســر .. حـد مايستحـق يعـرفـو ، يمكـن هكّـة حبيـت نكــونو .. تركينـة نتخبـّى فيـها مالعينيـن والكلامـات مشـاكل الدّار وستــراس الخدمـة تعـب الدنيـا .. وياحسـرة كى نقـول مرج "المـدام"
وآنـا ؟ كان ليلــى هذا الكـل آش يبقـالى منّــك !؟
إمممم .. إنتــى حلمـة وخــرت برشـة برشـة .. حتـّى صارت مالفـرحـة مانجمتـش نتبنّنـها ، كى مشيـت نلقـى الواقـع لى فقـت عليـه مـر.. خاطـر ملّيـت عيشـة الرّاهــب ملّيـت الفـرتويـال ملّيـت بـرد الوحـدة ملّيــت سكـات الضـلام ملّيـت الوقـت الفارغ لى مايتعبّـى كان بيك إنتـى ملّيـت نحكـى الماضـى حبّيـت حاضـر فيـه إنتـى توحشـت صوت توشويشـة دفـئ بدن لحـن ضحكـة سكـات الفـرحة ! توحشـت نحـس روحـى حـي
قتلـك نبقــى !
لا! وكيفـاش نجـم نقلـك أبقـى؟ هكّـة؟ة
وتـوّى .. آش عملـت .. ؟
هـربت ... مانـى هذاكـة فاش فالـح .. نقـرب للمــوت أكثــر باش نحــس روحـى حـي
يـزّى ! ماكنتــش باش نحكـى حبيـت نفـرحـك ونجـى من غيـر مانقلـك تلقـانى قـدّامـك .. الجمعـة الجـاية فى تـونـس، نجـى حبيبـى ونعيـشو ونعملـو ونهبلـو .. قريـت إخّـر كتيبتك .. آرتيكـل "آـ ديـو" .. نوعـدك تحقـق كل كلمـة حبيـت عليهـا ولـو ماحلمتهـاش معـايا.. نوعـدك نعـوضك ونسّيـك
وبعـد؟ تعـاود تمشـى ؟ وآنـا مزّلـت نجـم نتقـوى علـى روحـى ونقبـل مرّة أخـرى؟
أحكـى عليّـا ..
حكيـت عليـك ديجـا ، ياخـى ماقــريتــش ؟
قــريت.. وريـت آكـة المهبــول لى يسـرقلـك زادة ! يا ميمتـى شبيـه أكـاكـة مـريض ؟ باجـو حقّـو يسمّـاها "جميـع الحقـوق مسروقـة" موش تخلويض، بصراحة ياسر أنـا من هونـى دمّـى يغلـى! أمـا إنتـى ما عجبتنيـش .. جرّت تفشـه كيفـو معـاش تكتـب ؟ هكّـة ؟؟ وينـى آكـة قوّة الشّخصــية الشّــر الرّعـب .. يا قطـار الرّعـب
ههههههه تتفكـر !{قطـار الرّعـب: هـو أحـد أسـماء شهـرة من برشة عنـدى} لا حبّـى .. مـوش منـّو .. نتسبّـل بيـه وكـذى
نـرى فى رونديفواتك وعلاقاتك، ونهـار حمـام لأنف كى مجـاتش، قـد ما فحـت قد ما سخفتنـى، ذكرتنـى كاليميرو!
كلامـك يونّسنـى ويهنّينـى عليـك .. إكتـب أمـان .. كتيبتـك تعـاونّـى فى بعـدى عليـك.. معـاش تقـص عالكتيبـة أمان.. كان علـى آكة سارق تنجـم تشكـى بيـه مدام وصـل هبـط تصاورك تبـاصيـه ! وإلّا بيـراتيـه وإلّا تصـرف معـاه ... موش أنـا باش نعلمـك الشـّـرور يا شيطـانى الصّغيـر
أكيـد وإنتـى تعـرف ، صـدقـى لاهـو منّـو قصيـت هالمدّة مانى قتلـك نتسبـّل بيـه ، أما باش نتفاضالو بالذّمـة خاطر كيمـة قلـت إنتـى كثـرلهـا
خايفـة عليـك ..
ههههههه من شـلاكـة كيفـو !! لا لا !! نبــدى نندب آنـا !!
يـزّى ! موش القـصد هذاكـة .. خايفـة عليـك بالحـق .. ياخـى باش تعملــها وتكتـب مذكـراتك ؟ ماكـش خايـف ...
ما نخـافـش
لا .. قصـدى .. تى إنتـى تعـرف آش نقـصد.. حتـّى الكـلام هونـى ماعنديـش الثيقـة أنّـو موش باش يقـراه غيـرك..
حبيبـى كـى تخـاف عليّـا .. أه ياڨلـبـى كى تذوق بنّـة الفـرحـة وقـت تلقـى شكـون يخمـم فيـك .. ويـخاف عليـك ..
إيـه ، هكّـة تنســى ؟ حـب صغــرى وفــرحـة عمــرى راك
أيّ نطيّـب قهيــوة ونجـى ؟
لا ! أقعـد غادى ! ... معنـاها قلّقتـك كى قتلـك نحبــك ؟
وكلمـت نحبـّك تقلّـق ؟
لا، أمـا نعـرفـك ونعـرف إلّـى طيـب قهـوتك قبـل ما تاخـو مود الرّكشـة، معنـاها تحـت تقـص المـوضوع وتتسبـل بالقهـوة .. إلّى نغيـر منهـا علـى فكـرة
حافضتنـى أكثـر من روحـى سمـاك! تـوحشتـك يا هـم أمـا موش كيمـة مشـى في بالـك
ياعينـى عالـرومنسيـّة وخيبـة أمـل الفـانات كان يقـراو هالكـلام، هكّـة تغشهـم فيـك يا سـادى الشّخصيــة ؟
عنـدك حـق، لـذى نهبّـط لى حكينـاه لضمـان الحيـاد والموضـوعية وأمـانة النّقـل، وعالفـازة إختـار إنتـى التـصويـرة
مهبــول ونعـرفك تعملـها ، تستـاهل أكثـر من بـوسـة
بــوسة وقهــوة مثــلا؟
ههههههه، لا سيڨــارو وأنـا نبـوس فيـك
خيـالـك شـاذ حبيبـى
طالعتلــك حبّـى ، ومـدام باش تهبـط هالكلام، نحكـى بإسـم الفـانات كى نقـول "وعـدت وما حقّقتــش"
على فازت نهبـط البـروفيـل 7 ديسمبـر لى فات؟ مانى هبـط وفسخـت الستـاتو، يعنـى ما خلفتـش وعـدى
لا، وعـدتهـم تحكـى كفـاش تعـرفت علـى ليلـى
إمممم .. ياسـر تنسنـس عليهـا ضهرلـى .. باب الغيــرة تحــل ؟
لا حبـّى ، باب حـب المعـرفة والإطـّلاع ، ثقـافـة عـامة يعنـى
باهـى يا لـلّا ، حكـايـة ليلـى بـدات بصـدفـة مزيـانـة ، تعـرّفـت علـى ليلـى من قهـوة العـادة ، وكـنت نكـرها زادة .. خـاطر ديمـة تاخـو تركينـة لى نحـب عليـها، تجيـب معـاها كتـاب وتبعـث الدنيـا ، نكـرها زادة خاطـر عمـرها ماشـرات بريكيّـة .. دخـانها مفـرّت عالطـاولة وكل ما يتعـدّى نبيـل وإلّا كمـال السيرفـور تطلـب منّـو شعـول .. نكـرها خاطـر تحـط الحطّـة متـاع خرجـة موش باش تقـرى كتاب فى قهـوة .. نكـرها خاطـر عنـدها آكـة الضحكـة الصّفـرة .. إبتسـامة تافهـة كى تجـى العيـن فالعيـن .. إبتسـامة فوت سمـايا ! والكـره الكـل .. وعمـرنا ما حكينـا .. وصـدقنـى كى نقـول كـرهنـا كان متبـادل .
مـرّة عـند الدونتيسـت "الورغـى" فى رونديفـو نلقـاها ديجـا تستنـّى .. كيمـة حسبـت روحـى مانعـرفهاش حسبـت روحهـا ما تعرفنيـش .. وعشيّتـها لمّتنـا قهـوة العـادة مرّة أخـرى ، أمـا حكينـا أوّل مـرّة ، بداء الموضوع بتطفـّل منهـا ، إلّى مايلزمـش لا دخـّان لا نشرب قهوة والبنـج مزال فى بدنى ، نصيحـة بدات بكلمتيـن بالواقفـة وفـات بطوالـة وزوز قهـاوى .. فالمرّة لى بعـدها وأنـا داخل وقفـت سلمـت عليـّا وقعـدت حذاها فى تركينتـى المفكـوكة .. ولّات قهـوتى معـاها أكيدة إخّر كل جمعـة .. وقلتلهـا إلّى كنـت نكـرها وقتلى إلّى كانت تكرهنـى .. وما بدات الكلام معـايا كان فى نيّتهـا تزلعنـى ، قتلـى إلّـى تكرهنـى خاطر كل مرّة تشـوف معـايا وجـه طفلـة وفيبالهـا مالنّوع إلى يعبّـى على بعظـو .. تكرهنـى كيمة كرهى ليها خاطر التركينة لى تعجبنى وقدّاش من مرّة رزيتها فيها .. فسرتلـى حكـايت البريكيـة .. إلّى ديمـة تنساها .. وشويـة شويّة وبطبيعتـو الكـلام يجيـب بعظـو .. حكـاتلـى عليـها ..،
ليلــى يتيمـت الأم .. ملـّى صغيـرة ، بـوها ربـّاها راجـل بقلـب راجـل ورغـم زينهـا إلّى أنّـو عندها كسوحيّـت راس موش عاديـة !
سعــات .. بـرّغـم أننّـا نعــرفـو إلّـى قـراراتنـا غـاطـة .. وإختـياراتنـا بـاش تدخلنـا فـى حيـط {هـذا فى أحسـن الحالات} .. ونخـتاروهـا ، نصـرّو عليهـا زادة كـأنّـى شمـاته فـى رواحـنا ..!! ليلـى عنـدها مالحـكاية هذى برشـة .. تعمـل الغلطـة وهي تعـرفها غلطـة وما تقبلـش النصيحـة ، وإذا حسّـت أنّك تفـرض عليهـا في حاجة تعمـل عكسهـا شمـاته!
مانيـش نحكـى علـى إختيـارات فرضهـا الواقـع .. ولا إلى حكمـت الظروف بيـه .. نحكى علـى الـعلاقات الإنسـانيـة ؛
لإنسـان مجمـوعـة فوضـى أحاسيـس وأفكـار وإهتمـامات .. حـروب لداخـل وذكـريات و فـن وشـوية من كل إنسـان عرضـو فى خـط حيـاتو .. صحيـح تنجـم تأثـر عليـه أما مستحيـل بأي طريقـة تملكـو ، تنجـم تستعبـدو .. أما مستحيـل تقـيد عقلـو فكـرو أحاسيسـو .. لذا .. إفهمـو إلّى من غيـر المنطقـى ومن غيـر المعقـول أنك تقـول "خسـرت إنسـان" .. خاطر عمرو ما كان ليك .. وليلـى .. بوها خسرها كى حـب يكـونلهـا صاحب وخـو .. وقالتهـا ديجـا "أنـا ما عنديـش أم علاش يخسرنـى فى أب"
خاطر بوها يحبهـا ويخـاف عليها حب يقربلهـا بنوع من صداقـة بين الأب وبنتـو .. وهي رفضتـّو .. بطـريقة أو بأخـرى .. بلاصتـى بانـت فى حيـاتها ، وتعلمـت تاخـو منّـى النصيحـة بفكـرة شيطـانيـة ، نحكيلهـا حكايات وخرافات وقت النوم .. إخر الليّل وسعات للصباح وبشوية تفاصيل وأسماء مشابهة للواقـع.. ننصحها من غير ما نقلها.. نخليها تاخو قراراتها وحدها ، وهكاكة .. نتهنّـى عليهـا ..
عشـرة ليلـى توّا سنيـن طويلـة .. قلبهـا الحنيـن وهبالهـا .. قوّة شخصيّتهـا وبلادتها خلّاو هالعشرة تطوّل .
وتـوّا ؟ مزلـت تراها ؟
كان لاحضـت إلّى المدّة لى فاتت بخلاف أنّى معـاش نكتـب .. معاش موجود .. ليلــى باش تعـرّس فى جــوان هذا ، وما نتصورش ومن غير الممكـن يبقـى الحال على ما هو عليـه ..
حبيبـى ...حاسـة روحى مقصرة معـاك
عـلاش؟ نسيـت كادو عيد ميـلادى ؟ فمّة راجـل يحلـم بأكثـر من هكّـة ؟
{فى عيـد ميلادى قتلـى : "نهديلك أغلـى هدية، نهديلك الحـرية" / قصدها صوحب وأعمل إلى تحـب وهانى معاك، ماهيش فاهمة إلى حاشتى كان بيها هي .. إلى مانحبش وجوه جديدة فى حياتى .. ومانحب مالحرية كان اللحضة لى نكونها معـاها}
وجعتنـى ... حاستّـك حاقـد حبيبـى ... جمعـة ونجـى .. نرضّيـك بمعرفتـى
شيــراز نطيّـب قهـوة ونجـى ، كان بطيـت بون نــوى
أوكـى حبّــى.. أوكــى .. ،
تـــوحشـتـــك،
