يمكـن ..خاطــر أنـا وهـي لقيـنا بعضنـا .. وقـت إلّى الناس الكل نساتنـا .. يمكـن زادة خاطـر توحشنـا .. أكيد موش توحشنـا بعضنـا خاطر نحكـى مالأول .. أول ماكل شيـئ بدى .. لذى كى نقول توحشنـا نقصد برشـة حجات .. توحشنـا الارتباطات العاطفيـة ومرجهـا إلى يحسسنـا إلى فمة شكـون متفكـرنا .. حتّـى كى ننساو رواحنـا ،
مانعــرش .. يمكـن برشـة وقـت فارغ قلنـا خلّـى نعبيـوه ببعظنـا .. بآكـة مرج التاليفـونات المحلاه .. الأسئلـة التافهـة والغيـرة .. القهاوى إلى يامة عملناها وحدنا معاش رجعـة ليهـا .. كلامات اللّيــل .. بوسـة الصباح وبرشـة تقاليـد تنسات .. عشتهـم مـع إلى قبلهـا وعاشتهـم مع إلى قبلـى .. حطام أحلام لمّنـاه وعملنـا بيـه كوخ لـوح متـركن بعيـد علـى عنيـن النـاس ..
هي هكـة حكـات .. وهكـة مشـى فيبالها إقتنعـت ..
ولحقيقـة .. السبـب لول إلّى خلانى نوافـق هو عنيـن النـاس ..
عندى برشـة ونـاس ترانـى وحـدى .. كثـرت الأسئلـة والمرج ..الليقائات المدبرة من بعـض الأصدقـاء .. ليـان الفايس بوك إلى نشروه وقريب حتّـى يهبطـوه فى وحـدة من باجات التعـارف + ڨـرانتـى و دون مصاريـف شحـن !! ماحبـوش يفهـمو إلّى فمـّة برشـة نعرفهـم محـلاهم ومهبــول إلّى يضيّع فرصـة معاهم .. أما شنعمـل لعمـرى .. مهبــول .. والخــوف لا تتعـاود "تلـك النهـايــة" تخلينـى نوفـى أي عـلاقـة قبـل ما تبـدى .. نخنقـها ونتفـرج فيهـا تمـوت .. ولحقيقـة باش تتهــرب من علاقــة عاطفيــة حاجـة ساهلـة برشـة ،
نصـائـح : ماتحاولـش تحكـى علـى روحك بالخايـب خاطر الخـايب فيك سعـات هـو سبب تعلـق الناس بيـك ، رد بالـك تستسلـم لغـريزتـك خاطر فمـة شكـون كى ماتلقـى حتـى حـل تشـدك مالبـاب هذاكـة ! لذى خليـك حجـرة ، رد بالـك تحكـى حاجـة تخـصك خلـى حديثـك عام وشامـل .. أحكـى كورة سياسـة تاريـخ .. أي حاجـة كان تفاصيلـك المخبيـة .. والأهـم ؛ أحكــى عالآكـس قـد ماتنجـم ! خاطـر حتّـى وحـدة ماترضـى تكـون رقـم2 ، إذا هذا الكـل مانفعـش .. أعـرف يابهيــم إلّى هيّـا تحبـك .. لذى أحكـى معاها برجلـة تاو تفهمـك ..
نرجعـو لموضوعنـا ، عاد "بلقيــس" {ريـت محلـى إسمها؟} رغم الأنوثـة والجمال وكذا .. راسهـا والكنتـولة خـوات .. بتحـديد توامـة .. حاولـت نصدهـا لدرجـة نخوفهـا بنزعـة ساديـة مريضـة .. أما شيـئ .. وفى رونديفـو كـ حـل أخيـر حكينـا .. وهكـة حكايتنـا بدات بعـد مشاورات ومنـاورات .. بدينـا فى الفيلـم إلّـى باش نربـح بيـه راحـت بالـى ..
قهـوة قهـوة القهـاوى كثـرت .. ضحكـة بسمـة .. تعنيقـة .. تاليفـون ميساج رغـم أنو تافـه .. يبدل برشـة .. خطـوة ورى خطـوة .. ماشيـن فى هالفيلـم ..
لأنـو فيلـم .. بكل صراحـة عشـت حياتـى .. لو فمة خيانـة تحتسـب .. قتلتهـا خيانات ! إي بالجمـع !! وكانت سبب نتسبـل بيـه ..
علـى فكرة مخـك مايمشيـش لبعيـد كى نقـول خيـانة ..، لذى نفسرلـك معناهـا عنـدى ؛
كى تربـط روحـك بإنسـان .. يعنـى كل الماضـى إلـى قبلـو مـات بمـن فيـه ، يعنـى عطيـت حـق الإحتكـار وخذيـت حـق إمتـلاك وبجـاه ربـى إفهـم مانيـش نحكـى علـى بــدن ! نحكـى علـى كلامـك ضحكتـك وبكـاك وفـرحتـك وهبالـك وفنـك كلـك !
يعنـى كى تصوحـب طفلـة يامخلـوق مايلزم تحكـى كان ليهـا هيّـا أي موضوع كان ولـو تافـه وموش يعنـى تفحمهـا بطولاتـك السريريـة المؤلفـة .. ماو قلنا الماضـى وفـا! ويعنـى ماتحكى كان ليك وماتكون كان ليك ، وإذا جحشـة لدرجـة تعوضك بالباست فراند أو حتى صاحبتهـا ننصحك شطب عليهـا! كان ماتحكيلكش وتعوضـع ديجا فاش مزلـت تستنـى؟
لحقيقـة .. "بلقيـس" كانـت صورة لكسر آمال المعجبيـن وشمـاته أحيـانا .. فى آكة إلى يجيو يسئلـو "مزلـت تنــوّح عالآكـست؟"
هنـا كل شيئ محلاه .. أما ..
فمـة شكـون قال : الكذبــة كى نعاودوها برشـة نصدقـوها .. وهي .. صدقـت ..
بدى المرج بدات الغيـرة بهبـال بدى حـب الإمتلاك النواح العرك البكـئ .. وذلك الشيـئ .. "الخنقـــة"
فجـأة.. وليـت ذلـك الشيـئ .. إلى نكـرهـو .. نعلـّق عليها .. نطفيهـا .. نجاوبهـا بكلمـة وحـدة هذا إيذى تكلمـت معاها وعبرتهـا ..
ياسـر ولات مرجـة !! عـــرك عـــرك عـــرك عـــرك .. !! تى بآنـا حـق تعـارك !!؟؟
الكارثـة الكبـرى .. تمشـى وفمهـا يمشـى .. خلانـى ... نحـبو وتبـدل معايـا .. تحكـى ذكريات ماعشنـاهاش .. عرفـت صحابـى .. حكاتلهـم .. جاو يدخلـو .. عاركتهـم زادة .. الحاصـل .. "بــرشـة جــو"
لذى / القهـوة صارت أكيـدة ..
حكينـا .. برشـة كلام ماتحكاش قبـل .. كلام محلاه أما فات وقتـو ..
قالـت إلى هيـا تحبـنى .. إلى قالت بينها وبين روحهـا العشـرة تجيـب المحبـة .. وهكـة نوات تفكنـى .. وإذا الحكاية مانفعتـش أهيكة جربـت تكون معايا .. أما زادت تعلقـت بيا أكثـر .. ،
بالنسبـة ليـا ؟
لا .. موش هكـة ولا تـوه نجـم نكـون لغيـرى خاطر ديجا آنـا .. موش ليـّا ..
مشحـاح عاطفيّـا .. آش نعمـل لعمـرى ؟ موش بالساهل نحـب ..
المحبـّة .. قويـّة كالمـوت .. موش باش تشاور كى تجـى ولا مزيـة تعملهـا ماخذت خاطر ولا هكـة تكون ! بالفرض بالقوة بالغورة !
قدام عدم إقتناعها بقـى حـل واحـد .. أنى نشوف وحـدة أخـرى على أساس صوحبتها و سبب باش قصيتهـا مع بلقيــس والراحـة إلى نحلـم بيهـا تبخرت أدراج الريح والعبـرة : كـى تحـب إنسـان ..موش بسيـف تفـرض عليـه باش يحبـك .. موش العـرك والخنقـة والمشـاكل الزايـدة هي إلى باش تقربـو ليـك ..
لو بلقيــس فيها برشـة حجـات حلـوة .. أما تصرفاتها خلاتنـى نهرب منهـا بغلطة أكبـر على أمـل داوى الغلطـة لولـة ..
لذى نصيـحة أخيـرة ؛ الـحـب من طـرف واحـد .. أرحـم من أنك تكــره إلى يحبـو فيـك ! وفى روحــو كان لـــزم!!
مانعــرش .. يمكـن برشـة وقـت فارغ قلنـا خلّـى نعبيـوه ببعظنـا .. بآكـة مرج التاليفـونات المحلاه .. الأسئلـة التافهـة والغيـرة .. القهاوى إلى يامة عملناها وحدنا معاش رجعـة ليهـا .. كلامات اللّيــل .. بوسـة الصباح وبرشـة تقاليـد تنسات .. عشتهـم مـع إلى قبلهـا وعاشتهـم مع إلى قبلـى .. حطام أحلام لمّنـاه وعملنـا بيـه كوخ لـوح متـركن بعيـد علـى عنيـن النـاس ..
هي هكـة حكـات .. وهكـة مشـى فيبالها إقتنعـت ..
ولحقيقـة .. السبـب لول إلّى خلانى نوافـق هو عنيـن النـاس ..
عندى برشـة ونـاس ترانـى وحـدى .. كثـرت الأسئلـة والمرج ..الليقائات المدبرة من بعـض الأصدقـاء .. ليـان الفايس بوك إلى نشروه وقريب حتّـى يهبطـوه فى وحـدة من باجات التعـارف + ڨـرانتـى و دون مصاريـف شحـن !! ماحبـوش يفهـمو إلّى فمـّة برشـة نعرفهـم محـلاهم ومهبــول إلّى يضيّع فرصـة معاهم .. أما شنعمـل لعمـرى .. مهبــول .. والخــوف لا تتعـاود "تلـك النهـايــة" تخلينـى نوفـى أي عـلاقـة قبـل ما تبـدى .. نخنقـها ونتفـرج فيهـا تمـوت .. ولحقيقـة باش تتهــرب من علاقــة عاطفيــة حاجـة ساهلـة برشـة ،
نصـائـح : ماتحاولـش تحكـى علـى روحك بالخايـب خاطر الخـايب فيك سعـات هـو سبب تعلـق الناس بيـك ، رد بالـك تستسلـم لغـريزتـك خاطر فمـة شكـون كى ماتلقـى حتـى حـل تشـدك مالبـاب هذاكـة ! لذى خليـك حجـرة ، رد بالـك تحكـى حاجـة تخـصك خلـى حديثـك عام وشامـل .. أحكـى كورة سياسـة تاريـخ .. أي حاجـة كان تفاصيلـك المخبيـة .. والأهـم ؛ أحكــى عالآكـس قـد ماتنجـم ! خاطـر حتّـى وحـدة ماترضـى تكـون رقـم2 ، إذا هذا الكـل مانفعـش .. أعـرف يابهيــم إلّى هيّـا تحبـك .. لذى أحكـى معاها برجلـة تاو تفهمـك ..
نرجعـو لموضوعنـا ، عاد "بلقيــس" {ريـت محلـى إسمها؟} رغم الأنوثـة والجمال وكذا .. راسهـا والكنتـولة خـوات .. بتحـديد توامـة .. حاولـت نصدهـا لدرجـة نخوفهـا بنزعـة ساديـة مريضـة .. أما شيـئ .. وفى رونديفـو كـ حـل أخيـر حكينـا .. وهكـة حكايتنـا بدات بعـد مشاورات ومنـاورات .. بدينـا فى الفيلـم إلّـى باش نربـح بيـه راحـت بالـى ..
قهـوة قهـوة القهـاوى كثـرت .. ضحكـة بسمـة .. تعنيقـة .. تاليفـون ميساج رغـم أنو تافـه .. يبدل برشـة .. خطـوة ورى خطـوة .. ماشيـن فى هالفيلـم ..
لأنـو فيلـم .. بكل صراحـة عشـت حياتـى .. لو فمة خيانـة تحتسـب .. قتلتهـا خيانات ! إي بالجمـع !! وكانت سبب نتسبـل بيـه ..
علـى فكرة مخـك مايمشيـش لبعيـد كى نقـول خيـانة ..، لذى نفسرلـك معناهـا عنـدى ؛
كى تربـط روحـك بإنسـان .. يعنـى كل الماضـى إلـى قبلـو مـات بمـن فيـه ، يعنـى عطيـت حـق الإحتكـار وخذيـت حـق إمتـلاك وبجـاه ربـى إفهـم مانيـش نحكـى علـى بــدن ! نحكـى علـى كلامـك ضحكتـك وبكـاك وفـرحتـك وهبالـك وفنـك كلـك !
يعنـى كى تصوحـب طفلـة يامخلـوق مايلزم تحكـى كان ليهـا هيّـا أي موضوع كان ولـو تافـه وموش يعنـى تفحمهـا بطولاتـك السريريـة المؤلفـة .. ماو قلنا الماضـى وفـا! ويعنـى ماتحكى كان ليك وماتكون كان ليك ، وإذا جحشـة لدرجـة تعوضك بالباست فراند أو حتى صاحبتهـا ننصحك شطب عليهـا! كان ماتحكيلكش وتعوضـع ديجا فاش مزلـت تستنـى؟
لحقيقـة .. "بلقيـس" كانـت صورة لكسر آمال المعجبيـن وشمـاته أحيـانا .. فى آكة إلى يجيو يسئلـو "مزلـت تنــوّح عالآكـست؟"
هنـا كل شيئ محلاه .. أما ..
فمـة شكـون قال : الكذبــة كى نعاودوها برشـة نصدقـوها .. وهي .. صدقـت ..
بدى المرج بدات الغيـرة بهبـال بدى حـب الإمتلاك النواح العرك البكـئ .. وذلك الشيـئ .. "الخنقـــة"
فجـأة.. وليـت ذلـك الشيـئ .. إلى نكـرهـو .. نعلـّق عليها .. نطفيهـا .. نجاوبهـا بكلمـة وحـدة هذا إيذى تكلمـت معاها وعبرتهـا ..
ياسـر ولات مرجـة !! عـــرك عـــرك عـــرك عـــرك .. !! تى بآنـا حـق تعـارك !!؟؟
الكارثـة الكبـرى .. تمشـى وفمهـا يمشـى .. خلانـى ... نحـبو وتبـدل معايـا .. تحكـى ذكريات ماعشنـاهاش .. عرفـت صحابـى .. حكاتلهـم .. جاو يدخلـو .. عاركتهـم زادة .. الحاصـل .. "بــرشـة جــو"
لذى / القهـوة صارت أكيـدة ..
حكينـا .. برشـة كلام ماتحكاش قبـل .. كلام محلاه أما فات وقتـو ..
قالـت إلى هيـا تحبـنى .. إلى قالت بينها وبين روحهـا العشـرة تجيـب المحبـة .. وهكـة نوات تفكنـى .. وإذا الحكاية مانفعتـش أهيكة جربـت تكون معايا .. أما زادت تعلقـت بيا أكثـر .. ،
بالنسبـة ليـا ؟
لا .. موش هكـة ولا تـوه نجـم نكـون لغيـرى خاطر ديجا آنـا .. موش ليـّا ..
مشحـاح عاطفيّـا .. آش نعمـل لعمـرى ؟ موش بالساهل نحـب ..
المحبـّة .. قويـّة كالمـوت .. موش باش تشاور كى تجـى ولا مزيـة تعملهـا ماخذت خاطر ولا هكـة تكون ! بالفرض بالقوة بالغورة !
قدام عدم إقتناعها بقـى حـل واحـد .. أنى نشوف وحـدة أخـرى على أساس صوحبتها و سبب باش قصيتهـا مع بلقيــس والراحـة إلى نحلـم بيهـا تبخرت أدراج الريح والعبـرة : كـى تحـب إنسـان ..موش بسيـف تفـرض عليـه باش يحبـك .. موش العـرك والخنقـة والمشـاكل الزايـدة هي إلى باش تقربـو ليـك ..
لو بلقيــس فيها برشـة حجـات حلـوة .. أما تصرفاتها خلاتنـى نهرب منهـا بغلطة أكبـر على أمـل داوى الغلطـة لولـة ..
لذى نصيـحة أخيـرة ؛ الـحـب من طـرف واحـد .. أرحـم من أنك تكــره إلى يحبـو فيـك ! وفى روحــو كان لـــزم!!
